~¤ô¦¦§¦¦ô¤~LoVeRs~¤ô¦¦§¦¦ô¤~

.......LoVeRs FoRum.......
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 قوانين اللعبه

اذهب الى الأسفل 
كاتب الموضوعرسالة
crazygirl
عضو جديد
عضو جديد
avatar

عدد الرسائل : 133
العمر : 25
العمل :
هوايتك ايه ؟ :
مزاجك :- :
تاريخ التسجيل : 31/05/2008

مُساهمةموضوع: قوانين اللعبه   الجمعة يونيو 06, 2008 6:50 am

دى لعبتى،ودى مملكتى ، ودى قوانينى

1امشى ف حالك
لا تبص يميينك ولا ع شمالك
تتهد الدنيا.....وانت مالك
امشى جمب الحيط

2طاطى
دايما تقول حاضر
أنادى تكون حاضر
عايزك مطّاطى
تنكمش، او تتمدّد
أنا اللى أحدّد
وأنا اللى أختار توقيت

3خليك قانع
راضى....دا كنز
بلاش مطامع
دانت فى عزّ
قضّيها يا مؤمن.....ليك الجنة
نعيمها يلزّ
بس معايا....لازم..أهه..لازم
ترضى بالفتافيت

4من خاف سلم..وانت مسالم
صح؟؟
مسالم
انسان حالم
مش عايز اكتر من لقمة..وهدمة
ولمّة وبيت
دا لو لقيت

5خليك بارد...أوعى تفكّر
داحتى سخن الجو تمللى....مش مستاهلة..تسّخّنو أكتر
أفكارك يا بنى دى ديناميت
هتحرق روحك وتضيّعنا....وترجع تانى
تقول يا ريت

عايز تتكلم؟
اه ..ماشى..اتكلم
شوف يا معلم
هرتل..هيّس
أىكلام ،فى كل حاجة كلو كويّس
الا "ال..." تعالى لعندو
واعمل عبيط

7عايز تكتب؟؟
طبيعى...داحقّك...وانا مفيش ولا مرة هقصفلك قلم
خصوصا عارفك..قلبك همم
فكرك... حمم
قلمك... ألم
بس يا ريت بلاش تجرّح فى القمم
دول برضو ناس
ليهم احساس
وحتى يعنى م الأدب
صدقنى مش هقصفلك قلم
بس اسمحلى...أفوّقك وقت اللزوم،واديك بالقلم
لو مرة نسيت

8اللعبة مش محتاجة لصوت.....عايز سمعك يبقى مهمّش
يعنى مش محتاج لودانك
لأ...مفهمتش...مش عيزك أطرش
أنا بس عيزك تسدهم..ولو اشدهم
ده علشانك
علشان ماتلخبطشى اللخابيط

9بص يا سيدى...لأ ، ما تبصش
قصدى أقولك خليك أعمى من العميان
واوعى تخاف...مش راح اسيبك
هوديك وهجيبك
وح وصلك لبر الأمان....ادينى الأمان
دانا برضو حبيبك من زمان
من أوّل ما بدأت عييط

10بالمختصر
الغى حواسك....سيبنى أكون أهلك وناسك
سيبلى نفسك حتى لو..هكتم أنفاسك
واربطك فى حجر
وارميك فى بير غويط

11مدام دخلت اللعبة برجلك
بقى زيّك زى اللى قبلك
لازم تكمّل ..مش محتمل
لحظة رجوع...ولو تبكو بالدموع...مفيش مسموع
غير صوتى وبس
ومفيش أمل
مين قال يبقالكم حس
ايه طلّعكو م التوابيت

12عايز تخالف....ماشى ..أوامرك
لكن أوعى تلوم لو قبرك
انكتب عليه "جيم أوفر" معرفش يظبط التظابيط

13ابصم بالعشرة
ارفع يمينك ،واحلف يمينك
لوحدك جيت..محدش جابك...وان جنابك
فاهم ، عاقل
مانتش جاهل....وانك قابل
كل شروط اللعبة بتاعتى....ودى مملكتى
واللى هيمشى فيها قوانينى ..مش قوانينك
امضى.....خلاص مضيت؟
أدخل .....انتهيت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قوانين اللعبه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~¤ô¦¦§¦¦ô¤~LoVeRs~¤ô¦¦§¦¦ô¤~ :: الحب والرومانسية :: ركن الخواطر والادب-
انتقل الى: